ᓇᓕᒧᒌᑦᑎᐊᖅᑐᓂᒃ ᓂᕈᐊᕐᓂᖅ ᓄᓇᕗᒻᒥ

1

ᐊᓯᐊᓂᖔᖅ ᐃᒥᒐᕐᓗᓂ ᓱᑲᖃᓗᐊᙱᑦᑐᓂᒃ/ᓱᑲᖃᙱᑦᑐᓂᒃ

ᑕᒪᐃᓐᓂ ᐃᒥᒐᒃᓴᑦ ᓄᓇᕗᒻᒥ ᓂᐅᕕᐊᕆᔭᐅᔪᑦ ᐊᐅᓚᔪᓐᓇᐅᑎᓖᑦ ᓱᑲᖃᕈᑎᖏᑦ ᑎᑎᕋᖅᓯᒪᓲᑦ ᐊᑐᓂ ᐃᒥᒐᒃᓴᓴᓂᒃ ᓂᕈᐊᕈᓐᓇᖁᓗᑎᑦ ᐱᐅᓛᕐᒥᒃ ᐃᒥᒐᒃᓴᒥᒃ ᐊᐅᓚᔪᓐᓇᐅᑎᓕᖕᓂᒃ ᐊᒥᓲᓂᖏᑦ ᐊᑐᕆᐊᓕᑦᑎᑦ ᒪᓕᓪᓗᒋᑦ ᐱᖃᑦᑕᕐᓂᐊᕋᕕᑦ ᖃᐅᑕᒫᑦ.

2

ᒥᑭᓂᖅᓴᒥᒃ ᐊᖏᓂᓕᒻᒥᒃ ᐱᖔᕐᓗᑎᑦ

ᐃᒥᒐᒃᓴᒥᒃ ᓂᕈᐊᖅᑎᓪᓗᑎᑦ, ᐃᓱᒪᒋᒋᐊᕐᓗᒍ ᖃᓄᖅ ᐊᖏᑎᒋᓂᖓ ᓈᒻᒪᒃᑲᔭᕐᒪᖔᖅ ᐊᒥᓲᓂᓕᖕᓂᒃ ᐊᐅᓚᔪᓐᓇᐅᑎᓂᒃ ᐅᓪᓗᑕᒫᑦ ᐱᓇᓱᐊᖅᑕᖕᓄᑦ. ᒥᑭᓂᖅᓴᓂᒃ ᐃᒥᒐᒃᓴᓂᒃ ᐱᖔᖃᑦᑕᕐᓗᑎᑦ, ᐱᖃᓯᐅᑎᓪᓗᒍ ᐃᓚᖓ ᐱᐅᒋᔭᐅᓛᖓᓲᑦ “ᒥᑭᔪᑦ−ᐃᒥᒐᒃᓴᓃᑦᑐᑦ”.

3

ᓇᓕᒧᒌᓕᖅᑎᓪᓗᒋᑦ ᐊᐅᓚᔪᓐᓇᐅᑎᓖᑦ ᐃᒥᒐᒃᓴᑦ ᓱᑲᖏᑦ ᖃᓄᐃᓕᐅᕐᓂᕆᓂᐊᖅᑕᖕᓄᑦ

ᖃᐅᔨᒪᔪᐃᓐᓇᐅᒐᑦᑕ ᖃᓄᐃᓕᐅᕈᑎᖃᕐᓂᖅ ᐊᒻᒪᓗ ᐊᐅᓚᖃᑦᑕᕐᓂᕆᔭᑎᑦ ᐊᔾᔨᒌᔅᓴᐃᓐᓇᕈᓐᓇᙱᒻᒪᑕ ᖃᐅᑕᒫᑦ. ᓂᕈᐊᖅᑎᓪᓗᑎᑦ ᐃᒥᒐᒃᓴᒥᒃ, ᓂᕈᐊᕐᓗᑎᑦ ᓈᒻᒪᑦᑐᒥᒃ ᓇᓕᒧᒌᓕᖅᑎᑦᑎᒐᔭᖅᑐᖅ ᐊᐅᓚᔪᓐᓇᐅᑎᓕᖕᓂᒃ ᐃᒥᖅᐸᑦᑕᑎᑦ ᑕᐃᒃᑯᓄᖓ ᖃᓄᐃᓕᐅᕈᒪᓲᕆᔭᕐᓄᑦ ᖁᕕᐊᒋᓪᓗᒋᑦ.

ᓇᓕᒧᒌᑦᑎᐊᖅᑐᓂᒃ ᓂᕈᐊᕐᓂᖅ ᓄᓇᕗᒻᒥ ᒥᒃᓵᓄᑦ

ᓄᓇᓕᖕᓂ ᐋᖅᑭᓱᖅᑕᐅᓯᒪᔪᑦ ᐱᓕᕆᐊᖃᓲᑦ ᓯᕗᓕᖅᑎᐅᓪᓗᑎᑦ ᐱᓕᕆᐊᖓ: ᓇᓕᒧᒌᑦᑎᐊᖅᑐᓂᒃ ᐊᐅᓚᔪᓐᓇᐅᑎᓕᖕᓂᒃ ᐃᒥᕐᓗᓂ ᖃᓄᐃᓕᐅᕈᑎᒋᓲᕐᓄᑦ ᓂᕈᐊᕋᒃᓴᑦ ᓄᓇᕗᒻᒥ, ᓂᐅᕕᖅᑐᖃᖅᑎᓪᓗᒍ ᑐᑭᓯᐅᒪᑦᑎᐊᕐᓗᑎᑦ ᐃᓕᓐᓂᐊᑎᑦᑎᒍᑕᐅᕗᖅ ᐱᓕᕆᐊᖅ. ᑖᓐᓇ ᐱᓕᕆᐊᖅ ᓴᖅᑭᖅᑎᑕᐅᓯᒪᕗᖅ ᐃᑲᔪᖅᑐᖅᑕᐅᖁᓪᓗᒋᑦ ᓄᓇᕗᒻᒥᐅᑕᐅᔪᑦ ᓱᑲᑦᑐᓂᒃ ᐃᑲᔫᑎᓂᒃ ᖃᓄᖅ ᓇᓗᓇᐃᖅᓯᔪᓐᓇᕐᒪᖔᕐᒥᒃ ᖃᑦᑏᓐᓇᐅᔪᓂᒃ ᐊᐅᓚᔪᓐᓇᐅᑎᓕᖕᓂᒃ ᖃᐅᔨᒪᓂᐊᕐᒪᑕ ᐊᐅᓚᔪᓐᓇᐅᑎᓕᖕᓂᒃ ᓱᑲᓕᖕᓂᒃ ᐱᑕᖃᙱᑦᑐᓂᒃ ᐃᒥᒐᒃᓴᖅᑖᖃᑦᑕᓂᐊᕐᒪᑕ. ᑲᔪᖏᖅᓴᐃᒋᕗᖅ ᓄᓇᕗᒻᒥᐅᑕᓂᒃ ᐊᑐᕈᓐᓇᖁᓪᓗᒋᑦ ᓄᓇᕗᑦ ᒐᕙᒪᖏᑕ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᐃᑲᔫᑎᒃᓴᓂᒃ ᖃᓄᖅ ᐋᓐᓂᐊᖅᑕᐃᓕᒪᓂᕐᒧᑦ ᐃᓕᖅᑯᓯᑖᕈᓐᓇᕐᓂᐊᕐᒪᑕ ᐋᓐᓂᐊᖏᓐᓇᖃᑦᑕᙱᓂᖅᓴᐅᖁᓪᓗᒋᑦ.

“ᓇᓕᒧᒌᓕᖅᑎᖃᑦᑕᕐᓗᒋᑦ ᓂᕆᔭᑎᑦ, ᐃᒥᖅᑕᑎᑦ ᐊᒻᒪᓗ ᖃᓄᐃᓕᐅᖅᑕᑎᑦ” ᓇᓗᓇᐃᒃᑯᑕᖏᑦ ᓂᓪᓕᓇᖅᑐᒃᑯᕕᒻᒦᑎᑕᐅᖃᑦᑕᓂᐊᖅᑐᑦ ᐊᒻᒪᓗ ᖁᐊᒃᑯᕕᖕᓂ ᓂᐅᕕᕐᕕᕈᓘᔭᕐᓂᒃ ᓄᓇᕗᒻᒥ ᓄᓇᕗᒻᒥᐅᑦ ᑕᑯᓂᐊᕆᐊᖃᑦᑕᕈᓐᓇᓂᐊᕐᒪᑕ balancedchoicesNU.ca.

ᓄᓇᓕᖕᓂ ᐃᑲᔪᖅᑐᐃᓂᖅ

ᓇᓕᒧᒌᑦᑎᐊᖅᑐᓂᒃ ᐊᐅᓚᔪᓐᓇᐅᑎᓕᖕᓂᒃ ᐃᒥᕐᓗᓂ ᖃᓄᐃᓕᐅᕈᑎᒋᓲᕐᓄᑦ ᓂᕈᐊᕋᒃᓴᑦ ᓄᓇᕗᒻᒥ “ᐅᑭᐅᖅᑕᖅᑐᒥ ᓴᓇᔭᐅᓯᒪᕗᖅ” ᐱᓕᕆᐊᖅ. ᐃᖅᑲᓇᐃᔭᖃᑎᖃᕆᐊᖅᓯᒪᕗᒍᑦ ᓄᓇᓕᖕᓂ ᓂᐅᕕᕐᕕᓂ ᐊᒻᒪᓗ ᑲᒻᐸᓂᐅᔪᓂᒃ ᓄᓇᕗᒻᒥ ᖃᐅᔨᒪᓇᑦᑎᐊᖁᓪᓗᒍ ᑕᒪᒃᑯᐊ ᓂᐅᕕᐊᒃᓴᖃᓲᓄᑦ ᓯᕗᒃᑲᖅᑕᕈᑕᐅᓪᓗᑎᑦ ᑲᒪᒋᔭᐅᔪᑦ ᐱᓕᕆᐊᖅ ᐋᖅᑭᓱᖅᑕᐅᓂᐊᕐᒪᑕ ᓄᓇᕗᒻᒥᐅᑕᓄᑦ, ᑖᒃᑯᓄᖓ ᑐᕌᖓᓗᑎᑦ ᓄᓇᕗᒻᒥᐅᑕᐅᔪᓄᑦ. ᐅᐱᒍᓱᑉᐳᒍᑦ ᐃᖅᑲᓇᐃᔭᖃᑎᖃᕈᓐᓇᕋᑦᑕ ᓄᓇᓕᖕᓂ ᓇᒻᒥᓂᖃᖅᑎᐅᔪᓂᒃ ᐋᖅᑭᓱᖅᑕᐅᓯᒪᓂᖓᓂᒃ, ᑐᑭᓕᐅᖅᑕᐅᓯᒪᓂᖏᖕᓂᒃ ᐊᒻᒪᓗ ᑎᑎᕋᖅᑕᐅᓯᒪᓂᖏᖕᓂᓗ ᑖᔅᓱᒪᑉ ᐱᓕᕆᐊᕆᔭᐅᔪᑉ.

ᓇᓕᒧᒌᑦᑎᐊᖅᑐᓂᒃ ᐊᐅᓚᔪᓐᓇᐅᑎᓕᖕᓂᒃ ᐃᒥᕐᓗᓂ ᖃᓄᐃᓕᐅᕈᑎᒋᓲᕐᓄᑦ ᓂᕈᐊᕋᒃᓴᑦ ᓄᓇᕗᒻᒥ ᓇᓗᓇᐃᒃᑯᑕᖏᑦ ᑐᑭᓕᐅᖅᑕᐅᓯᒪᕗᑦ ᐅᑯᓄᖓ ᒪᕐᕉᖕᓄᒃ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᖕᓄᑦ:

  • ᐃᓄᒃᑎᑐᑦ
  • ᐃᓄᐃᓐᓇᖅᑐᓐ

ᓂᐅᕕᐊᒃᓴᖃᕈᓘᔭᖅᐸᑦᑐᑦ ᐃᒥᒐᒃᓴᓂᒃ ᐱᓇᓱᐊᒐᖏᑦ

ᑲᓇᑕᒥ ᐃᒥᒐᒃᓴᓕᐅᓲᑦ ᐱᓕᕆᐊᖃᕐᓂᐊᕐᓂᕋᖅᐳᑦ ᐋᓐᓂᐊᖅᑕᐃᓕᒪᑎᑦᑎᒐᓱᐊᖃᑦᑕᕐᓗᑎᑦ, ᓇᓕᒧᒌᑦᑐᒃᑯᑦ ᓄᓇᓕᖃᖁᓪᓗᒋᑦ ᐊᒻᒪᓗ ᐃᖅᑲᓇᐃᔮᖃᐃᓐᓇᐅᔭᖅᑐᑦ ᐱᐅᓯᕚᓪᓕᖁᓪᓗᒋᑦ ᖃᓄᐃᑦᑕᐃᓕᓂᖏᑦ ᓱᕈᓰᑦ ᐃᓚᒌᓪᓗ ᓄᓇᕗᒻᒥ. ᓄᓇᕗᑦ ᒐᕙᒪᖏᑕ ᐋᓐᓂᐊᖃᕐᓇᙱᑦᑐᓕᕆᔨᖏᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᐱᔨᑦᑎᕋᓲᑦ ᐊᒻᒪᓗ ᐃᓅᓯᖃᑦᑎᐊᓂᕐᒧᑦ ᐱᓕᕆᐊᖃᓲᑦ ᓄᓇᕗᒻᒥ ᐊᒃᓱᕈᖅᑐᑎᑦ ᐃᖅᑲᓇᐃᔮᖃᖅᐸᓪᓕᐊᔭᕇᖅᑐᑦ ᐃᓕᓐᓂᐊᖅᑎᖁᓪᓗᒋᑦ ᓄᓇᕗᒻᒥᐅᑕᐅᔪᑦ ᖃᓄᖅ ᐋᓐᓂᐊᖏᓐᓇᓇᖅᑐᑖᖅᑕᐃᓕᒪᓂᐊᕐᒪᑕ ᐊᒥᓱᓂᒃ ᐃᑲᔫᑎᒃᓴᓕᐅᓲᖑᓪᓗᑎᑦ. ᐅᑉᐱᕈᓱᑉᐳᒍᑦ ᓇᓕᒧᒌᑦᑐᓂᒃ ᓂᕈᐊᕐᓂᖅ ᓄᓇᕗᒻᒥ ᐃᑲᔪᕐᓂᐊᕐᒪᑦ ᑕᒪᒃᑯᓂᖓ ᐱᓕᕆᐊᕆᔭᖏᖕᓂᒃ.

ᖃᐅᔨᒪᒐᑦᑕ ᐱᒻᒪᕆᐅᓂᖓᓂᒃ ᐃᑲᔪᖅᑐᐃᓗᑕ ᓇᓕᒧᑦᑎᐊᖅᑐᓂᒃ ᓂᕈᐊᖃᑦᑕᕐᓂᖅ ᖃᑦᑏᓐᓇᓂᑦ ᐱᑕᖃᙱᑦᑐᓂᓪᓘᓐᓃᑦ ᓱᑲᖃᓗᐊᙱᑦᑐᓂᒃ ᐃᒥᒐᒃᓴᓂᒃ ᐊᑐᐃᓐᓇᐅᒪᔪᖃᖅᑐᖃᕆᐊᖃᕐᒪᑦ, ᒥᑭᓂᖅᓴᓂᒃ ᐃᒥᖃᑦᑕᕐᓗᑎᑦ ᑲᔪᖏᖅᓴᖅᑕᐅᖁᓪᓗᒍ ᓇᓕᒧᒌᑦᑐᒥᒃ ᐊᐅᓚᔪᓐᓇᐅᑎᖃᕐᓂᐊᕐᒪᑕ, ᑎᒥᒃᑯᑦ ᐊᐅᓚᕈᓘᔭᕐᓗᓂ ᖃᓄᐃᓕᐅᕈᓐᓇᕐᓂᖏᖕᓂᒃ ᐊᒻᒪᓗ ᐃᒥᒐᒃᓴᐃᑦ ᓂᐅᕕᓲᑦ ᓂᕈᐊᓲᖏᖕᓂᒃ

© Canadian Beverage Association 2015